सरकारी नाली टूटी, नाय आवत पानी

gavo finalजिला फैजाबाद, ब्लाक तारुन, गंव बूड़ापुर। हिंआ दुई साल से सरकारी नाली टूट गै बाय सरकारी ट्यूवबेल कै पानी सिंचाई के ताई नाय आवत।
रामनरायन सिंह बताइन कि धान लगभग सात विगहा लगाये रहेन। जवन इन्जन से सिंचाई करै का परा। सरकारी ट्यूवबेल बिगड़ गै रही दुई महीना पहिले जब सबके पिपरमिन्ट बैठाई रही। तबौ सिंचाई के ताई दिक्कत हुवत रही। लकिन अब बनि गै बाय। पानी सरकारी ट्यूवबेल कै इधर नाय आवत। 120 रुपया घण्टा सिंचाई दैके सीचै का परा थै।
सुरेष कुमार बताइन कि दुसरे के इंजन से सिंचाई कीन जा थै। जेकरे पास ट्यूबवेल बाय ऊ पहिले आपन सींचा थै। तब तक फसल खराब हुवै लागा थै यही से इंजन से सिंचाई करै का परा थै।
देखभाल करै वाले महेषप्रताप पाण्डेय बताइन कि यही ट्यूबवेल कै पानी उधर का नाय जात। ऊ दुसरे ग्रामसभा मा लागा थै यही से नाली नाय बनी बाय।