समझौता करावैं से का मामला निपटी?

जिला चित्रकूट, ब्लाक मऊ, गांव बम्बुरी। हिंया के अनारकली का आरोप हवै कि मनसवा हीरालाल 1 जुलाई का मारपीट कइके घर से निकार दिहिस। यहिके रपट मऊ थाना मा 6 जुलाई का लिखाइगे।

अनारकली का कहब हवै कि मोर शादी मई 2014 मा रामनगर ब्लाक, ढढ़वार गांव के छोटका मटियारा पुरवा मा हीरालाल साथै मे रहै। शादी के दुइ महीना बाद मनसवा हीरालाल मोरे साथै मारपीट करं लाग अउर घर से बाहर निकार देत रहै। 1 जुलाई का खूबै मारपीट करिस अउर बस मा बइठा दिहिस। मोरे लगे टिकट का रूपिया भी नही रहै। यहिसे करही गांव मा अपने मामा के हिंया उतर गयंव। मामा मोरे बाप छोटेलाल का फोन कइके बोलाइस तौ बाप आ के लेवा लइगा। 6 जुलाई का मऊ थाना मा रपट लिखावै गयंव तौ पुलिस समझौता करा दिहिस हवै ।

अनारकली का मनसवा हीरालाल कहिस कि वा खाना बना के झोला मा टांग देत हवै । मै भूंखे पियासे मजूरी करै जात हौं। ऊपर से मोर खिलाफ थाना मा रपट लिखा दिहिस हवै।

मऊ थाना के छोटे दरोगा साजिद खान कहिन कि दूनौ लोगन का बोला के समझौता करा दीन गा हवै। हीरालाल का पन्द्रह दिन का समय दीन गा हवै। अगर वा न सुधरी तौ वहिके खिलाफ आगे कारवाही कीन जा सकत हवै।