सदमा से किसान कै मउत

taza3 finalजिला फैजाबाद, ब्लाक तारून, गंाव पारागरीबषाह। बेमौसम बरसात किसानन के ताई काल बनिगै बाय। 29 अपै्रल 2015 का पचास वर्षीय किसान रामकुमार कोरी कै दुई बीघा फसल बर्वादी से सदमा से मउत होईगै।
गंाव वाले अउर उनके मेहरारू षान्ती देवी कै कहब बाय कि दुई बिगहा फसल खेत मा कटिके पड़ी बाय। मंगलवार का अचानक तेज बारिस से भीग गै। दनकै कहब बाय कि मंगलवार का गेहूं कै मड़ाई करै चाहत रहे लकिन सुबह से ही बारिस काल बनिके आयगै। सुबह खेत जाए पै गहरा सदमा लाग। षान्ति देवी कै कहब बाय कि खेत से लौटै के बाद उनके सीने मा अचानक दर्द हुवय लाग। जेसे पास के निजी चिकित्सक के हिंआ भर्ती करायन। वहीं कै डाक्टर रामकुमार का फैजाबाद लै जाए की सलाह दिहिन। फैजाबाद जिला अस्पताल लै जात समय रास्ता मा मउत होइगै।
गंाव वाले कै कहब बाय कि मृतक रामकुमार के सिर्फ दुई बिटिया रही। बड़ी बिटिया संगीता कै षादी के दिहन। छोट रिकी कैषादी करै का बाकी बाय। रामकुमार सहकारी बैंक तारुन मा सफाई कर्मी के अलावा पल्लेदारी कइके परिवार कै पेट पालत रहे।
तहसीलदार अरूण कुमार मिश्रा बताइन कि किसान के मउत पै लेखपाल दिनेष सिंह का जांच के ताई भेजा गा रहा। लेखपाल जांच करे अहैं। रिपोर्ट आवै के बाद हर सम्भव सहायता दीन जाये।सदमा से किसान कै मउत