सड़क मा काम लागी

सड़क का या हाल
सड़क का या हाल

जिला चित्रकूट, ब्लाक मऊ, कस्बा लालतारोड। हिंया लगभग पांच किलो मीटर सड़क छह महीना से खराब हवै। सड़क बनवावैं खातिर पूर्व डी.एम. मुथु कुमार स्वामी बी. का लिखित दरखास दीन गे, पै कउनौ सुनवाई नहीं भे।
गांव खण्डेहा, पुरवा चकवा के हरिकृष्ण चेतन सिंह अउर गुलाब सिंह का कहब हवै कि छह महीना पहिले पी.डब्लू.डी विभाग कइती से सड़क उखड़ा दीन गे रहै, पै अबै तक बनवाई नहीं गे हवै। यहिसे पहिले सड़क नींक रहै। काहे से कि अगर गढ़वन मा मिट्टी पर जात रहै तौ सड़क बराबर होइ जात रहै। सड़क बनवावैं खातिर पूर्व डी.एम. का लिखित दीने हन तौ आधा किलो मीटर सड़क बन गे हवै, पै अबै पांच किलो मीटर सड़क खराब हवै। पी.डब्लू.डी. विभाग के जेई एस.डी.राम का कहब हवै कि सड़क मा काम फेर से लगवावा जई।