सड़क के जमिन में बसल छी

सड़क किनारे बनल घर
सड़क किनारे बनल घर

जिला सीतामढ़ी, प्रखण्ड रीगा, पंचायत षहवाजपुर, गांव वराही। उहां वार्ड नम्बर दु पासवान टोला में लगभग पन्द्रह लोग पी. डब्लु. डी. सड़क के जमिन में लगभग पचासो साल से बसल छथिन। लेकिन उनका सब के बासकीत पर्चा न बन रहल हई।
उहां के उपेन्द्र पासवान, नरेष पासवान, फगुनी बैठा,चन्द्रकाला देवी सब कहलथिन कि पहिले हमसब मालीकाना जमीन में बसल रहली। जब उहां से हटा देलथिन त सड़क के किनारा पर घर बना के लगभग पचासो साल से रहइ छी। लकिन अभी तक बासकीट पर्चा न बनल हय। एक बेर लगभग तीन साल पहिले अंचल अधिकारी के पास गेल रही त उ कहलथिन कि सड़क के जमीन हय त बासकिट पर्चा न बनत। हमरा सब के कहि सरकार जमीन देथिन त स्थाई घर बनइती।
मुखिया षिवचन्दर पासवान कहलथिन कि सड़क के जमीन के बासकिट पर्चा न बनतई। लोग में एकता न हई अगर एकता रहतीयई त पुरे रीगा प्रखण्ड में लगभग तेरह एकर जमीन बिहार सरकार के हई। जे जमीनदार लोग सब कब्जा कयले छथिन। लेकिन एकर खोज जब तक लोग में एकता न होतइ तब तक जेना हई तेहनाइते रहतई।
प्रखण्ड अंचल कार्यालय के किरानी कहलथिन कि अगर सड़क चैरी करण करे के परतइ या सड़क के कोइ भी काम होतई त कहां से जमीन लइथिन? ओइसे सड़क के जमीन के बासकित पर्चा न बनइ छई। उ लोग बिहार सरकार जमीन के नम्बर के साथ आवेदन देथिन त ओइ पर सोचल जा सकई छई ।