षासकीय कर्मचारी का दर्जा दीन जाय

03-06-15 Kshetriya Banda - Aanganwadi Dharna 1 webजिला बांदा। उत्तर प्रदेष राज्य आंगनबाडी कर्मचारी संघ का विसाल धरना प्रदर्षन 1 जून का डी.एम. कार्यालय मा कीन गा। डी.एम. के न मिलैं मा ए.डी.एम. डी.एस. पाण्डेय दरखास लइके कारवाही का भरोसा दिहिन।

संघ के जिलाध्यक्ष नीलम वर्मा का कहब है कि हमार ग्यारह मांगन मा सरकार का विचार करैं का ही पड़ी। आंगनबाडी का षासकीय कर्मचारी का दर्जा दिया जाय। मई जून मा आंगनबाडी केन्द्र मा रोज के बजाय एक हफ्ता मा पंजीरी बंटाई जाय। अगर दूसर काम कराये जाय तौ वेतन बढ़ा के दीन जाय। वेतन में बढ़ोत्तरी अउर मरैं मा मृत्यु आश्रित महिला का भर्ती कीन जाय। पांच लाख रूपिया मुआवजा होय का चाही। ज्यादा काम मा ज्यादा वेतन समय से दीन जाय।

ए.डी.एम. के भरोसे के हिसाब से अगर मांगै पूरी न हाइहैं तौ आगे भी बहुतै लड़ाई लड़ी जई। ए.डी.एम. डी.एस. पाण्डेय कहिन कि उनके मांगे जायज हैं। जउन कारवाही जिला स्तर से होई सकी तौ डी.एम. से मिल के समस्या निपटाई जई। जउन कारवाही षासन स्तर के है वहिका सरकार ही पूरा करी। आज ही मैं ज्ञापन लखनऊ भेज देहूं।