शौचालय छौ, चालू एक

 ऐईसन हई विद्यालय के शौचालय
ऐईसन हई विद्यालय के शौचालय

जिला शिवहर, प्रखण्ड तरियानी, पंचायत बेलहिया, रामानन्द हाई स्कूल फतहपुर। ऐइ विद्यालय में शौचालय छौ हई। लेकिन सब धस गेल हई। जेई कारण विद्यार्थी सब के बहुत दिक्कत होई छई। ऐई विद्यालय में नामांकन बारह सौ अउर उपस्थिति आठ सौ हई।
ऐई विद्यालय के दशवां वर्ग के विद्याार्थी ललीता कुमारी, सोनम कुमारी कहलथिन कि विद्यालय में शौचालय न हई, जेइ कारण हमरा सब के षौच के लेल बहुत दिक्क्त होई छई। कयला कि बाथरूम के लेल भी घरे जाय के परइय। ओतना देर के समय त हमर सब के बर्बाद गेल।
प्रधानाध्यापक रामएकबाल राम कहलथिन कि शौचालय त छौ गो हई। लेकिन चालु एके गो हई कारण कि सब धस गेल हई। जेई कारण शिक्षक शिक्षिका इउर विद्याार्थी के भी दिक्कत होई छई। शौचालय के लेल बी.आर.सी से लेके शिक्षा विभाग तक केतना बेर कहली। लेकिन अभी तक कोनो सुनवाई न हई।
जिला पदाधिकारी कुमार विनोद नारायण सिंह कहलथिन कि ओई विद्यालय में त पिछला साल लोक सभा के चुनाव में दुगो शौचालय बनायल गेल रहई। अब रह गेलई साफ सफाई के त विद्यालय के रख-रखाव के लेल दस हजार रूपइया जाई छई। ओई से सफाई करवा के चालू करवा सकई छथिन।