शहर के बीच गंदगी का अंबार

banda  (1)जिला बांदा। शहर के बीचोंबीच मोहल्ला पद्माकर चैराहा मा कूड़ा घर है। या कूड़ा घर के भीतर नहीं बाहर कूड़ा का अंबार है। शहर के मड़ई नगर पालिका से कहिके थक चुके हैं कि कचरा कूड़ा घर के बाहर नहीं भीतर डाला जाय।
चैराहा से गुजरैं वाले मड़ई नाक दाब के निकल तौ जात हैं, पै गन्दगी दिन भर नहीं भूलत आय। कूड़ा घर के बगल से राजकीय बालिका इण्टर कालेज है। स्कूल के लड़कियन के स्वास्थ्य मा बुरा असर पड़त है। अगर यहै हाल रहा तौ बीमारी फइल सकत है। नगर पालिका करमचारी पूरा कूड़ा हेंया डालत हैं।
बांदा चेयरमैन विनोद जैन कहिन कि सब्जी मंडी का कूड़ा रात मा डलवा दीन जात है। नाम पता कइके कूड़ा डलवावैं वाले के ऊपर एफ.आई.आर. करिहौं। अब तक मा दस ट्रैक्टर कूड़ा फेकवा चुकी हौं।