व्यापारिन का हवै परेशानी

DSCN0075
समस्या बतावत

जिला चित्रकूट, ब्लाक कर्वी, शंकर बाजार। हिंया ओबर ब्रिज पुल बनै से सैकड़न व्यापारी परेशान हवै । काहे से कि कर्वी मा यहै मुख्य व्यापारिन के जघा हवै। यहै से 25 जुलाई 2013 का ए.डी.एम संतोष कुमार का ज्ञापन दिहिन।
हिंया के प्रकाश चन्द्र का कहब हवै कि ओवर ब्रिज बनै मा तीन बरस लाग जई। येत्ते बरस मा व्यापारी कसत व्यापार करिहैं। हिंया से थोइ दूर गल्ला मंडी भी हवै। सबहिन का बहुतै समस्या आई। पुल खातिर कत्तौ दूसर जघा देखै का चाही। कुछ यहिनतान अजय सिंह, ब्रजेन्द्र अग्रवाल अउर संजीव अग्रवाल का कहब हवै कि पूर जिला का अतिक्रमण हटा दीन गा हवै। रोड चैड़ीकरण का काम भी शुरू हवै। हिंया से अतिक्रमण काहे नहीं हटवा गा। अगर रोड चैड़ी होइ जाये तौ ओवर ब्रिज बनै के कउनौ जरूरत नहीं आय। अगर ओवर ब्रिज बनै का हवै तौ बल्दाऊ गंज तिराहा से स्टेशन रोड तक बनै। डी.एम. बलकार सिंह का कहब हवै -“ शंकर बाजार मा रोड चैड़ीकरण का काम शुरू होइ। ओवर ब्रिज बनै खातिर मुख्यमंत्री कहिन हवै  तौ वा बनी।”