वी पार्क खे हो सुन्दरीकरण

जिला महोबा, ब्लाक चरखारी, कस्बा चरखारी, वी पार्क। कश्मीर खें टुकड़े कहे जायें वालो चरखारी में एसी अनगिनत पुरानी धरोहरें हें। जीमें एक वी पार्क भी आवत हे। जा पार्क सो साल से पेहले बनो हतो। जोन अब जर्जर होत जा रओ हे ओर जिम्मेदार आदमी आपन कुर्सी लये बेठे हें।
वार्ड नम्बर दो मोहल्ला भैरव गंज के रहें वाले भानुप्रकाश, हेमन्त दीक्षित ओर डाक्टर ए.के. राय ने बताओ कि वी पार्क हमाये पांच मोहल्लन भैरव गंज, कजयाना, वासदेव सदर बाजार ओर छोटा रमना के बीचोबीच बनो हे, पे पार्क की बाउन्ड्री छोटी होय के कारन आदमी भीतर घुस जात हें। ओर ओते फूल ओर पेड़ पोधन खे टोरत हंे। ओते चार मरकरी होय खे बाद भी उजाला नइयां। ओते बेठ के आदमी शराब पियत हे, ओर गन्दगी फैलाउत हें। अगर पार्क खे सुन्दरीकरण हो जाये तो ईसे पूरे मोहल्ला के रौनक बढ़ जे हें। हमने ईखे सुन्दरीकरण के लाने चेयरमैन से केऊ दइया कहो पे कोनऊ ध्यान नई दओ आय।
चरखारी नगर पलिका के अधिशाषी अभियन्ता शिवजी पाण्डेय ने बताओ कि एक हफ्ता पेहले मेने पी.डब्लू.डी. के जेई मुन्नी लाल को टेण्डर बनाये के लाने आदेशित कर दओ हे। ऊ लगभग दो महीना में बन के तैयार हो जेहें।