विद्यालय मा ताला तूरिके चोरी

जिला अम्बेडकर नगर, ब्लाक कटेहरी गांव भगवान पट्टी प्राथमिक विद्यालय। हिंआ 30 अप्रैल 2016 का दस हजार रुपया कै समान ताला तूरिके चोरी होइगै।
प्रधानाध्यापक राजनरायन यादव कै कहब बाय कि रात मा केहू अज्ञात चोर स्कूल कै ताला तूरिके कीमती समान उठाय लै गै। रसोई घर कै ताला तूरिके गैस सिलेंडर एमडीएम कै सब बर्तन राशन कार्यालय से लडि़कन कै वितरण करै के ताई किताब कुर्सी मेज कुछ भी नाय बचा। कुछ भी नाय छोडि़न। भीटी थाना मा तहरीर दीन गै बाय।
भीटी थाना कै प्रभारी अशोक यादव कै कहब बाय कि अज्ञात चोर के खिलाफ केस दर्ज कइके तलास कीन जात बाय।