लैपटाप से निहाय फायदा

लैपटाप के साथै छग्गू
लैपटाप के साथै छग्गू

जिला बांदा, ब्लाक महुआ, कस्बा महुआ। हेंया के लगभग पचीस तीस बच्चन का मुख्यमंत्री कइत से दीन गे लैपटाप मिले  है। बच्चन का लैपटाप चलावै मा बहुतै परेशानी से गुजरै का परत है।
छग्गू बतावत है कि अबै ज्यादा चलावब नहीं आवत आय। तीन महीना से कम्प्यूटर सीखत हौं। साथै बांदा मा पढ़त भी हौं।
शिवकली कहत है कि वहिका लैपटाप चलावब नहीं आवत आय। लैपटाप चलावैं खातिर पहिले से सीखैं का परत है। मैं कहां सीखै जाव। मनसवा अउर देवर चलावत हैं। अगर उंई गाना लगा दिहिन तौ सुनत हौं अउर पिक्चर भी देखत हौं। अगर सरकार कइत से हमका प्रशिक्षण दीन जात तौ वहिसे कुछ फायदा होत। लड़का तौ बाजार मा जा के कम्प्यूटर सीखब शुरू कई दिहिन हैं। हम कहां जान। या मारे हमार इस्तेमाल मा निहाय। हम जइसे बिटियन का लैपटाप दइके मुख्यमंत्री नाम कमाइस है। हमका केतना फायदा होई या नहीं देखिस।