लेखपाल चेक मा चढाइस गलत नाम

chk galat sardhuaजिला चित्रकूट, ब्लाक पहाड़ी, गांव सरधुवा । हिंया के रचना का आरोप हवै कि वहिके मुआवजा वाले चेक मिला हवै वा चेक मा लेखपाल मोर नाम गलत चढा दिहिस हवै। यहै से वहिका चेक नहीं भजत हवै ।

रचना का कहब हवै कि फसल नुकसान का मुआवजा छह बिघहा जमीन का नौ हजार सात सौ रूपिया चेक 19 जून 2015 का मिला रहै। चेक मा रचना के जघा मा रन्नो नाम लिखा हवै। गलत नाम के कारन चेक नहीं भजत आय। या कारण राजापुर तहसीलदार का चेक मा नाम सुधरवावै के खातिरके नाम सुधवावै के मांग करे हौं। पै कुछौ सुनवाई नहीं होत आय।

लेखपाल सुरेन्दर सिंह का कहब हवै कि बहुतै ज्यादा भीड़ होइगे रहै। या कारण चेक मा नाम गलत होइगा हवै। मैं वहिका नाम सही चढ़ा देहूं परेशान ना होय।

तहसीलदार आर.के. सिंह का कहब हवै रचना दुबारा से हमरे लगें चेक का लइके आवै तौ नाम सही करवा दीन जई।