लिख गओ मुकदमा अपराधी फरार

mho wwजिला महोबा, ब्लाक जैतपुर, गांव आरी, की शिववती बताउत हे की गांव मे छूआछूत खा लेके 10 मई खा लड़ाई भई हे। मोहल्ला के आदमियन ने मारपीट करी हे। ईखी दरखास अजनर थाना में दई हे।
शिववती बताउत हे की मोओ आदमी खत्म हो गओ हे। मे अपने बिटिया दामाद खा अपने पास में राखे हती। सोचत हती की तेरहवी के बाद चले जेहे। 10 मई खा मोओ दामाद हुकुम सिंह बाहर चबूतरा की कुर्सी मे बेठो हतो। तभई गांव के अखिलेश नायक, अशोक ओर राजकुमार आये कहन लगे की कुर्सी में काय बेठो हे। दामाद ने कहो की मे आपने द्वारे मे बेठो हों। सब जाति सूचक गाली देन लगे ओर कहत हते की एते चमारन की न चलहे। तुम्हे कुर्सी मे बेठे के लाने मना हे। मारपीट करन लगे। जभे आवाज सुनी तो हम सब बचायें के लाने बाहर दौड़े। हमाये साथे मारपीट करी करी हती। परिवार के आदमी इक्ट्ठा हो जायें पे जान से मारे की धमकी देके भाग गये। आरोप हे की अजनर थाना की पुलिस ने चमार की जघा यादव कर दओ हे। पे हमाई सुनवाई नई भई हे। अगर हमाओ मुकदमा न लिखो जेहे तो हम एस.पी. खा दरखास देहे।
अशोक बताउत हे की शिववती की लड़की ने अपने मन पसंद शादी करी हती। एई बात करत हम रास्ता मे जात हते। तभई ऊ शिववती को दमाद खुद आके लड़ाई करन लगो।
अजनर थाना के एस.ओ. रमेश पटेल बताउत हे की मुकदमा लिख गओ हे। धारा 323 (मारपीट) 504 (गाली गलौज) 506 (जान से मारने की धमकी) की लगी हे। हम अपराधियन खा पकरन गये हते पे अपराधी फरार हे।

रिपोर्टर – श्यामकली