लापरवाही से घायल बिटिया

बसन्ती के बाप शिवनाथ
बसन्ती के बाप शिवनाथ

जिला महोबा, ब्लाक कबरई, गांव मकरबई। एते की आंगनवाड़ी सुष्मा बच्चन खा घर से पंजीरी देय खा लिवा लाउत हे। पे घरे छोड़न नई जात हे। जीसे पांच साल बिटिया बसन्ती को 6 दिसम्बर 2013 खा एक्सीडेंट हो गओ हे। एक्सीडेंट में बसन्ती को पांव टूट गओ हे ओर बुरी तरह से घायल हे। इलाज के लाने बसन्ती खा जिला अस्पताल में भर्ती करो हे।
बसन्ती के बाप शिवनाथ ने बताओ कि आंगनवाड़ी हमाये छोट-छोट बच्चन खां पंजीरी देय के लाने लिवा जात हे। बिठाये रहत हे ओर थोड़ी से पंजीरी देके अकेले भगा देत हे। जीसे 6 दिसम्बर 2013 खा मोई बिटिया को मोटरसाइकिल से एक्सीडेंट हो गओ हे। जीसे ऊखों पांव टूट गओ हे। में गरीब आदमी मेहनत करके पेट पालत हो। दवाई के लाने में इत्तो रूपइया कहां से पाहो। आंगनवाड़ी इत्ती लापरवाही काय करत हे। अगर बच्चन खा घर से लिवा जात हे तो घरे छोड़न भी आये खा चाही।
आंगनवाड़ी सुष्मा ने बताओ कि सहायिका रोज बच्चन खा घर से लेवा के लाउत हे, ओर छोड़न भी जात हे। बसन्ती को एक्सीडेण्ट ऊखे द्वारे में भओ हे।