रेलवे स्टेशन कै बिगड़ी स्थिति

faizabaadफैजाबाद अउर अम्बेडकर नगर मा जेतना भी स्टेशन बना बाय सब पै कुछ न कुछ  असुविधा बाय। चाहे ऊ लाइट कै व्यवस्था हुवय या सड़क कै। जहां दिन मा लगभग लाखन यात्री आवत जाथिन हुंआ कै दशा अगर यहि तरह रहे तौ मनई कैसे रहिहैं ।
फैजाबाद मया ब्लाक के अलनाभारी स्टेशन कै दुर्दषा काफी खराब बाय गाड़ी पै चढै़ की जगह ईटा, पाथर पड़ा बाय। यात्री कउनिव तरह से गाड़ी पै चढ़ाथिन लकिन हुआँ कै    अधिकारी ध्यान नाय देतिन। का ई समस्या उनका पता नाय बाय। रेलवे स्टेशन तक जाय कै रास्ता उखड़ जाय से आये दिन एक्सीडेन्ट हुआ कराथै। लकिन रेल विभाग एकरी तरफ ध्यान नाय दियत बाटिन। वहीं दुसरी तरफ कटेहरी के खेमापुर रेलवे फाटक कै सोलर लाइट छह महीना से खराब होय जाए से यात्री अधिंयारे मा आवत जाथिन।
अक्सर स्टेशन पै दिन मा या रात मा यतना उजाला के बावजूद चोरी जैसन समस्या सामने आवा कराथै तबौ प्रशासन लाइट कै व्यवस्था करै कै कउनौ अहमियत नाय समझत बाय। गेट मैन कै कहब बाय कि स्टेशन कै बैटरी चोरी होय गै। दूसर नाय लाग। अउर यात्री घनघोर अंधेरा से आवत जाथिन। रेल अधिकारी का सूचित करै के बावजूद ई समस्या बनी बाय जब एक स्टेशन पै विकास नाय होय पावत बाय तौ गांवन कै तुलना कैसे करै की गांव कै विकास कैसे होये। जहां दिन भर मा लाखन यात्री आवत जाथिन।