रूपइया मंगाउनो परो मंहगा

 रिपोर्ट लिखाउत अर्चना
रिपोर्ट लिखाउत अर्चना

जिला महोबा, ब्लाक चरखारी, गांव पाठा। एते के राजेश बाजपेई 34 खा ओई खे गांव को संजेश ने गोली मार खे हत्या कर दई हे। ईखी रिपोर्ट राजेश की ओरत अर्चना ने खरेला थाना में लिखाई हे।
अर्चना ने बताओं कि मोओ आदमी राजेश बाजपेई गांवई में प्राइवेट डाक्टर हतो। डाक्टरी के वजह से घर अच्छो खात पियत हतो। एई से गांव खे संजेश सिंह खा चालिस हजार रूपइया उधार दे दओ हतो। 27 दिसम्बर 2013 खा शाम 7 बजे संजेश आओ, ओर राजेश खा लिवा गओ। कहत हतो कि चल कछू खेहें। गांव के भागीरथ प्रजापति को घर खाली परो हतो। ओई खे घर में लिवा गओ, ओर तमन्चे से तीन गोली मार खे हत्या कर दई। काय से कछु दिन पेहले राजेश ने संजेश से रूपइया मांगो हतो। जभे साढ़े दस बजे संजेश ने तमन्चे से फायर करी तो हमने सोचो कि नये साल खे खुशी में आदमी पड़ाके छुटाउत होहें। ई बीचन मंेने राजेश खा केऊ दइयां फोन करो हतो। जीमे राजेश ने फोन नई उठाओ हतो। संजेश ने फोन उठाओ हतोे, पे बात नई करी। तभई मोये मन में शंका भई हती, पे घर में कोनऊ न हतो। जभे सुबेरे मेने आपन घर को दरवाजा खोलो तो राजेश खे लाश परी हती। तभई मंेने खरेला थाना में संजेश के खिलाफ रिपोर्ट लिखाई हे।