रिबोर मा हैण्डपम्प देब केहिके जिम्मेदारी

देखैं भर का हैण्डपम्प
देखैं भर का हैण्डपम्प

जिला बांदा, बबेरू, कस्बा मुरवल अउर तिन्दवारी ब्लाक का गांव जौहरपुर मजरा खैराई डेरा। मुरवल कस्बा का हैण्डपम्प पन्द्रह दिन से खराब है अउर खैराई डेरा के हैण्डपम्प चार महीना से खराब है। यहिसे आवै-जाय वाले यात्रिन का पानी के परेशानी है। यहिके खातिर प्रधान ध्यान नहीं देत आय।
मुरवल कस्बा के दुकानदार नीरज, वीरेन्द्र, जीतू बतावत है कि पुरान चैराहा के सामने का हैण्डपम्प बिगड़ा रहा है, तौ हम एक महीना पहिले चन्दा कइके बनवा दीन रहै। अब पन्द्रह दिन से फेर खराब है। या हैण्डपम्प से पांच सौ मड़इन का निस्तार होत है। जबै से बिगड़ गा तौ हेंया-होआ पानी का भटकै का परत है। कइयौ दरकी प्रधान अउर सचिव से हैडपम्प बनवावैं के मांग कीन गे है, पै कउनौ सुनवाई निहाय।
मुरवल सचिव भवानी सिंह का कहब है कि वा हैण्डपम्प रिबोर लाइक है। यहिसे नहीं बना आय चार हैण्डपम्प है जउन रिबोर मा दीन गे है। खैराई डेरा का मंगल अउर राम किसुन बतावत है कि पचीस पुरवा के बस्ती है। हम ट्यूबवेल बोर का पानी पियैं खातिर एक किलो मीटर के दूरी से पानी लावत हन। परागी डेरा का आसू, राम बाबू बतावत है कि दुई महीना से बजरंगी डेरा वार्ड नम्बर 6 के दुई हैण्डपम्प खराब पड़े है। यहिसे पानी खातिर दूसरे मोहल्ला जाय का परत है। प्रधान तौ देख के चला जात है पचास घर के मड़ई पानी का परेशान है।
प्रधान शिवभवन का कहब है कि मैं खराई डेरा खातिर एक पाइप भेज दीन हौं मोर कउनौ गलती निहाय। गांव वाले मिस्त्री का बुला के बनवा लें।