रास्ता में बना लओ घर, निकरे पे परेशानी

gao-se-rasta-jaamWजिला महोबा, ब्लाक जैतपुर, गांव अजनर एते के आदमियन को आरोप हे कि हमाये गांव के पुरानी रास्ता गांव को लल्ला रोके हे। जीसे हम बोहतई परेशान रहत हे।
गांव को संतू कहत हे कि पचास साल पुरानी रस्ता मे पांच साल से लल्ला ने आपन घर बना लओ हे। जीसे ई मुहल्ला होरी डाडे़ वाली रास्ता जाम कर दओ हे। परमलाल ओर सरोज कहत हे की हमाये घर खेत की जमीन मे बने हे। जा रास्ता बोहतई पुरानो हे। तीस साल से हम ई रास्ता से अपने खेत ओर घरे जात हे। पेहले हम ओते से नीकर जात हते, पे पांच साल से बिल्कुल नई निकर पाउत हे। हम लल्ला से रास्ता खोले खा कहत हे तो ऊ मारे खा तैयार हो जात हे, ओर गाली गलौज करत हे। जीसे हम लोग हम टिघरन से गिलाव मे हेले के जात हे। हम रास्ता नीक खोल बने के केऊ दइयां मांग करो हे। पूर्व प्रधान से ओर वर्तमान प्रधान से केऊ दइयां कहसे हे, पे अभे तक सुनवाई नई भई हे। लल्ला कहत हे की मोये घर नई हतो, जीसे मेने ओते आपन रास्ता बना लओ हे। अगर आदमियन खा परेशानी होत हे तो आपन घर गिरा देंहों।
प्रधान सरोज को आदमी बृजेन्द्र कुमार द्विवेदी कहत हे की में कुलपहाड़ तहसील दार से कहके ऊ रस्ता खोलवा देहों, काय से रास्ता बन्द हांय से आयें-जायें मे परेशानी होत हे।
कुलपहाड़ तहसीलदार रामजी कहत हे कि मोये ओते के रास्ता के बसारे मे कोनऊ जानकारी नइयां। अगर लिखित दरखास आहे तो ऊ रास्ता खा खोलाओ जेहे।

रिपोर्टर – सरोज सैनी, श्यामकली