रास्ता बनल पोखरी

एई रास्ता से गुजरई छई लोग
एई रास्ता से गुजरई छई लोग

जिला शिवहर, प्रखण्ड तरियानी, गांव सलेमपुर, वार्ड नम्बर चार। इहां के सड़क ऐतना खराब हई कि चलना मुश्किल हई। एक हाथ चैरा रास्ता अउर बगल में पोखर जेकरा देख के ही डर लगई छई। एई सड़क के लम्बाई लगभग आठ सौ फिट हई।
इहां के राम एकबाल राय, राम शकल राय, राजदेव राय कहलथिन कि इ सड़क लगभग सोलह साल पुरान हई। जे जगह- जगह से टुट के जर-जर हो गेल हई। बगल में राम नारायण प्रसाद के पोखर हई। ऐतना चैड़ा सड़क होके लोग जाई छई त करेजे पर हाथ रहई छई। सुख-रूख में त कुछ न अगर बरसात होई छई त लोग अपन जी-जान अर के जाई छई। ऐतने के सुकर हई कि कोई ऐई पोखर में न गिरलई। आम सभा में भी बात रखल गेलई, लेकिन कि होलई ऐकर पता न हई।
मुखिया नाजो खातुन के पति अमिन अंसारी कहलथिन कि अभी लगभग चार महिना पहिले उहां सड़क पर हम अपना तरफ से लगभग तीस टेलर मिट्टी गीरवइलीय। अभी चुनाव के लेके सारा काम अस्त-व्यस्त रहलईय। ओई सड़क के बनावे के लेल बी.आर.जी.एफ. योजना में डालले छी। जईसे रूपईया अतई हम काम शुरू करवा देबई।