मुआवजा के चेक मा गलत हवै नाम

taaja sakhounah ganvजिला चित्रकूट, ब्लाक मऊ, गांव सखौंहा। हिंया के इन्दल अउर कल्लू का आरोप हवै कि खराब फसल के मुआवजा का चेक तौ मिल गा पै चेक मा नाम गलत हवै। यहै से उंई लेखपाल अउर तहसीलदार के चक्कर लगावत हवै।

इन्दल का कहब हवै कि सात बीघा जमीन हवै। वहिमा गेहूं बोवा रहै सरकार कइती से खराब फसल का मुआवजा बयालिस सौ रूपिया का चेक मिला हवै। वा चेक मा इन्दल के जघा इन्द्रपाल लिखा हवै।
कल्लू भी कुछ यहिनतान कहिस कि साढ़े तीन बीघा जमीन हवै। पन्द्रह सौ रूपिया का चेक मिला, पै वा कउनौ काम का नहीं आय।

लेखपाल देशराज कहिस कि इन्दल अउर कल्लू का नाम सही करवा दीन जई। मऊ तहसीलदार कतवारूराम कहिन कि लेखपाल से कहा जई कि वा कसत नाम गलत नाम के चेक काटिस हवै। या लेखपाल के एक बड़ी लापरवाही हवै।