मिट्टी कै तेल डारके जलावै कै आरोप

mahila mudda11जिला अम्बेडरकर नगर, ब्लाक बसखारी, गांव रामडीह सराय का गढ़। हिंआ ससुराल वाले कै आरोप बाय कि दहेज खातिर ससुराल वाले बाइस साल के सरिता निषाद का जलाय के मार डारिन। भाई के तहरीर पै बसखारी थाना मा रिपोर्ट दर्ज भै बाय। ससुराल वाले फरार बाटे।
किछौछा बासुदेव नगर के सरिता कै भाई रमेष निषाद बताइन कि सरिता कै षादी चार साल पहिले रामडीह सराय का गढ़ गांव मा नवरंग के बेटवा अमृतलाल से भै रहा। दहेज कम मिलै से रोज मारत पीटत रहिन। यकरी खातिर कइयौ बार झगरा होय गै रहा। बहुत समझावै के बावजूद नाय मानिन। जबकि एक साल कै गेदहरा बाय।
रमेष कै आरोप बाय कि सरिता के ऊपर मिट्टी कै तेल डारके जलावागै बाय। यहि घटना से पूरे गांव मा हड़कंप मचिगै। जब तक गांव कै मनई दौरिन तब तक परिवार वाले भाग गइन। सूचना पै बसखारी थाना कै एस.ओ. अउर मायके वाले पहुंचिन। गांव अउर मायके वाले से एस.ओ. पूछताछ करिन अउर कहिन कि हर सम्भव न्याय दिलावा जाये।
बसखारी थाना कै एस.ओ. नीरज राय बताइन कि मृतका के भाई रमेष के तहरीर पै दहेज हत्या कै धारा लाग बाय। पति अमृतलाल ससुर नवरंग सास अउर ननद के खिलाफ (दहेज हत्या) कै धारा लाग बाय। षव पोस्टमार्टम कराय के मायके वालेन का सौंप दीनगै। तलासी कीन जात बाय जल्दी गिरफ्तारी होये।