मास्टरन के लापरवाही से बच्चन का खराब होत भविष्य

1 taza pez gore mau copyजिला बांदा, ब्लाक नरैनी, गांव गोरेमऊ कलां। हेया 15 फरवरी का भे सोशल आडिट के बइठक मा गांव के लोग बताइन कि उनके गांव मा बने प्राथमिक विद्यालय का हेड मास्टर सालन से स्कूल नहीं आवैं। या मारे बच्चन का भविष्य खराब होत है। हम लोग उनके खिलाफ नरैनी तहसील मा कइयौ दरकी दरखास भी दीन हैं, पै कउनौ सुनवाई निहाय।
गांव के चुनबाद, अर्जुन अउर रंगबहदूर का कहब है कि गांव मा बना प्राथमिक विद्यालय भगवान भरोसे चलत है। हेड मास्टर एक साल होइगे स्कूल झाकैं नहीं आवा।
एक कइत सरकार शिक्षा का बढ़ावा दें के बात करत है, तौ दूसर कइत मास्टर आपन मनमानी करत हैं। काहे से उंई लोग तौ सरकारी वेतन पावत हैं अउर उनके बच्चा भी अच्छे स्कूल मा पढ़त है। गांवन हम गरीब लोगन के यतना रूपिया निहाय कि बाहर जा के प्राइवेट स्कूल मा पढ़ा सकैं। यहिसे हम लोगन के बच्चा शिक्षा मा पीछे रही जात हैं।
नरैनी खण्ड शिक्षा अधिकारी योगेन्द्र नाथ का कहब है कि उनके जानकारी मा या बात निहाय। अगर या समस्या है तौ मैं जांच करा लइहौं।