मारपीट कै रिपोर्ट दर्ज

कमला देवी
कमला देवी

जिला अम्बेडकरनगर, ब्लाक भीटी, ग्रामसभा रनीवां रुदड़। हिंआ 2 मई 2016 कै नाली बनवावै के विवाद मा मारपीट भै। चार मनई गम्भीर रुप से घायल होय गइन।
कमला देवी कै कहब बाय कि दुवारे से नाली बनत रही। मना करै से जयप्रकास पिवारी हनुमान तिवारी मारिन। वरुण सौरभ हमरे लडि़कन का कट्टा से मारै जात रहिन गोली मिस होइगै। हमार बेटवा कट्टा छोर लिहिस। दुसरे पक्ष कै हनुमान तिवारी बताइन कि हूरे घरे केहू रहा नाय सिर्फ मेहरारु रहिन। घरमा घुसिके सब मेहरारु का मारिन। शशिकला तिवारी पूनम तिवारी सौरभ तिवारी सबके काफी चोट लाग बाय। अहिरौली थाना कै दीवान अहिबरन कहिन कि मारपीट के धारा मा रिपोर्ट लिखी गै बाय।
जिला फैजाबाद ब्लाक तारुन ग्रामसभा परसावां महोला मजरा हरीपुर। हिंआ पेड़ काटै के विवाद मा मारपीट भै। तीन मनई गम्भीर रुप से घायल होय गइन। गांव के किनारे शोभनाथ निषाद साझा के बगीचा मा आम कै हरा पेड़ कै डार काटत रहिन। उनकै भाई शिवराम विरोध करिन तौ विवाद शुरु होइगै। कइयौ मनई घायल होइगइन। सूचना पै पहुंची एम्बूलेन्श घायलन का सामुदायिक स्वास्थ्य केन्द्र तारुन पहुंचाइन।
तारुन थाना कै एस.आई. लालचन्द यादव बताइन कि शिवराम शोभनाथ सुरई व राममनोहर व सूरज के खिलाफ तहरीर दिये अहैं। जांच चलत बाय।