मारपीट करै के आरोप मा भेजा गा जेल

जिला बांदा, ब्लाक तिंदवारी, गांव सैमरी। हेंया के कल्ली का आरोप हवै कि पड़ोस मा रहैं वा अरुण सिंह मोरे साथै मारपीट करिस है। यहिके रपट तिंदवारी थाना मा लिखाइगे।
गांव के कल्ली का कहब है कि मैं महुआ बीनत रहौं। अरुण सिंह आवा अउर पहिले से गाली गलौज करैं लाग। मैं मना करेंव तौ वा लाठी डंडा से मारिस है। मैं वा समय अकेले रहौं। लाठी अउर डंड मारैं के कारन मोरे अंदरुनी चोट आई हैं। यहिसे पहिले एक दरकी अउर घर के भीतर घुस के मारपीट करिस रहै। मोर भाभी घर मा रहै तौ वा बचा लिहिस रहै। अरुण सिंह से मोर कउनौ दुश्मनी नहीं आय, पै पता नहीं कि वा इनतान काहे करत है। अब के दरकी फेर वहिनतान करिस है तौ मैं थाना मा रपट लिखाये रहौं। अगर या दरकी पुलिस सुनवाई न करत तौ एस.पी. का दरखास देतेंव। तिंदवारी थाना के मुंशी कमला प्रसाद का कहब है कि अरुण सिंह का चालान कइके जेल भेज दीन गा है।