महोबा जिला मे मराठावाड़ की पद यात्रा

taja-khabar-photo-Wमहोबा जिला मे 29 मई से स्वाराज अभियान वालेन ने अन्दोलन छेड़ दओ हे। अजनर से शुरू कर जिले के गांव गांव से पैदल यात्रा निकारी हे। साथे सूखा जानवर ओर गांव के आदमियन की स्थिति जानी हे।
स्वराज अभियान के योगेन्द्र यादव एकता परिषद के पी.वी. राजगोपाल कहत हे की सरकार हमाये वोट से बनत हे ओर हमाये रूपइया से चलत हे। फिर भी सरकार हमें एसी सहायता करत हे जेसे अपनी जेब को रूपइया हमे देके दान करत हो। 13 मई खा सुप्रीम कोर्ट को आदेश आओ हे की राशनकार्ड मे कोनऊ भेदभाव न रेहे। हर आदमी खा पांच किलो गेंहू दओ जेहे। ऊखो राशनकार्ड बनो हो चाहे न बनो हे। गर्मी की छुट्टी मे भी बच्चन खा खाना दओ जेहे। एक हफ्ता मे तीन दइयां दूध ओर अण्डा मिलहे। पन्द्रह दिन मे मनरेगा के तहत गांव मे काम मिलहे अगर काम न मिलहे तो काम के बिना रूपइया दओ देहे। रूपइया देय मे देरी भई तो ऊखो हरजाना भरने परहे। किसानन खा दैवी आपदा के तहत तुरतई एक एकड़ के सिंचित जमीन को सत्ताइस सौ रूपइया ओर असिंचित जमीन को चाउवन सौ रूपइया को मुआवजा मिलहे। ई जानकारी के साथे जानवरन की समस्या जानी। साथे जा भी कहो की बुन्देलखण्ड खा मराठवाड़ा खा जोड़ के एक संगठन बनाहे। जीसे जा समस्या दूर करी जा सके।

रिपोर्टर – श्यामकली