मनायेल गेल जिला में स्थापना दिवस

IMG_0008
उदघाटन करइत मुख्य अतिथी

सीतामढ़ी जिला के 42 वाँ स्थापना दिवस। 11दिसम्बर 2013 से 12 दिसम्बर 2013 तक मनायल गेलई। ऐई समारोह के उद्घाटन, मंत्री शाहिद अल्ली खान, जिला अधिकारी अउर अन्य अधिकारी लोग कलथिन। इ कार्यक्रम डुमरा स्टेडियम में भेलई। स्थापना दिवस के अवसर पर प्रखण्ड कार्यालय से लेके पुरा जिला जगमगा उठलई।
डीएम डॉक्टर प्रतिमा वर्मा, शहिद अल्ली खा, एस.पी पंकज सिन्हा, डी.डी.सी. सदर एस.डी.ओ. विभिन्न स्टॉल के माध्यम से सरकार के विकास के योजना के प्रदर्शन कलथिन। डी.एम. डॉक्टर प्रतिमा वर्मा कहलथिन कि प्रशासन, जनप्रतिनिधि अउर सब जनता के सहयोग से कोनो काम सफल होई छई। सीतामढ़ी के रामायण सर्किट से जोड़ल गेल हई। मुख्यमंत्री के घोषणा के तहत ओई पर काम चल रहल हई। तीन हजार इंदिरा आवास, सत्तर आंगनवाड़ी केन्द्र बन गेल हई। दु सौ आंगनवाड़ी केन्द्र के लेल जमीन भी उपलब्ध हो गेल हई। पिये वाला पानी के व्यवस्था अउर घर-घर में शौचालय बनायल जतई। हम संकल्प लेई छी कि सीतामढ़ी के स्वच्छ स्वस्थ्य बना के रखब। घर-घर में बिजली के रौशनी भी मिलतई। जिला परिषद अध्यक्ष इंद्रानी देवी कहलथिन कि जिला में विकास तभीय संभव होतई जब सब जनप्रतिनिधि अउर पदाधिकारी काम के अपन समझथिन। पहिले मुजफ्फरपुर जिला रहलई। 1972 में सीतामढ़ी जिला बनलई। एई अवसर पर विभिन्न स्कूल के बच्चा, बच्ची अपन-अपन कार्यक्रम देखलथिन। जेईमें कुछ लोग जईसे जनप्रतिनिधि, शिक्षक, आशा कार्यकत्र्ता, आंगनवाड़ी सेविका अउर बच्चा बच्ची के डी.एम द्वारा सम्मानित कयल गेलई।