मनरेगा मा काम मिलै की ताई दिहिन ज्ञापन

taza final 2
काम की मांग

जिला फैजाबाद, ब्लाक तारुन। तारून ब्लाक के मुख्यालय पै मनरेगा मजदूर 28 जनवरी 2014 का काम की ताई अउर बकाया मजदूरी के उपलक्ष्य मा खण्ड विकास अधिकारी महेन्द्रदेव का ज्ञापन दिहिन। ज्ञापन दियै मा 84 ग्रामसभा कै लगभग दुई सौ मनई षामिल रहिन।
केषरूआ बुजुर्ग कै कलाऊ, षिवपता, भानमती, सबरा बताइन कि मनरेगा मा काम नाय मिलत बाय। लक्ष्मी, बसन्ती कै जांब कार्ड नाय बना बाय। यही से आज हिंआ काम कै मंाग करै आय हई। मैहर कबीर पुर कै नइमुलनिषा अउर करनाईपुर कै करमजहान बताइन कि एक साल पहिले एक महीना काम कीन गै बाय। जउने कै एक हजार मिला बाय बाकी नाय मिला। न तब से कामै मिला बाय। नेतवारी गंाव के धनराजी कै कहब बाय कि दुई साल होइगा काम बंद बाय। दुई साल पहले एक महीना काम करे रहेन सिर्फ बारह सौ रुपया मिला रहा बाकी मजदूरी नाय मिली बाय। जाबकार्ड पै हाजिरी भी नाय चढ़ी बाय। ब्लाक अध्यक्ष मनोज कुमार निषाद बताइन कि हमरे सब धरना करे हई जेका काम नाय मिलत बाय वका काम मिलै बकाया मजदूरी मिलै का चाही। मैहर कबीर पुर मा करोड़ों रुपया कै फर्जी काम भै बाय। यही से हम बी.डी.ओ. का ज्ञापन दियब।
मनरेगा मजदूर कल्याण समिति कै प्रदेष अध्यक्ष रामअदालत वर्मा बताइन कि काम पूरा मिलै का चाही अगर काम न मिले तौ अधिकारियन कै घेराव कीन जाये।
खण्ड विकास अधिकारी महेन्द्रदेव बताइन कि जेका काम न मिलै ऊ ब्लाक से काम कै मंाग करै। जे जेतना काम करे बाय वका वतना मजदूरी मिली बाय।