मण्डी कि टूटी पुलिया

jaitpur kasba 4 copyजिला महोबा, ब्लाक जैतपुर, कस्बा जैतपुर। एते बनी उप गल्ला मण्डी के मेन गेट कि पुलिया तीन साल से टूटी परी हे। इ कारन मण्डी के अन्दर मेन गेट में तालाब जेसे को पानी भरो रहत हे ओर गड्ढा हो गओ हे, पे पुलिया बनवाये ओर गड्ढा पुराये खे लाने अधिकारी कोनउ ध्यान नई देत हें।
राजेन्द्र, विन्द्राबन ओर दम्मू कहत हे कि एते बुधवार ओर शनिवार खा बाजार लगत हे। जीमें 50 गांवन खे लोग हाट बाजार करे ओर मण्डी में गल्ला बेचे खा आउत हें। पुलिया टूटे से हम लोगन खा घुटनन से गन्दे पानी मा हिल के बाजार करे जाये खा परत हे ओर एते से निकरे वाले साधन भी आये दिन गड्ढा मे घुसे से पलट जात हे। हम लोग तीन साल हो गये मण्डी मे बेठे अधिकारिन से पुलिया बनवाये के लाने बराबर कहत हें, पे उनखा कोनउ ध्यान नइया। अगर पुलिया एसई टुटी परी रहे तो कोनउ भी बडी घटना हो सकत हे।
मण्डी सचिव विशम्भर तिवारी कहत हें कि दो महीना पेहल पुलिया बने ओर पुराई खे बजट के मांग खा लेके प्रस्ताव शासन में भेजो हे। जेसे ही बजट आहे, तो पुलिया बनवा दई जेहे।