मंदिर से चांदी कै मुकुट चोरी

मंदिर जहां चोरी हुआ
मंदिर जहां चोरी हुआ

जिला फैजाबाद, ब्लाक मया। 31 मार्च 2015 हनुमान मंदिर से चांदी कै मुकुट अज्ञात चोर दोपहर बारह बजे ताला तूरके उठाय लै गइन।
बाजार कै रहै वाले व्यापारी नेता ध्रुब गुप्ता, षत्रुहन, मोदनवाल, प्रषांस पाण्डेय, अरविन्द बताइन कि पचासन साल पुरान प्राचीन हनुमान मंदिर मया बाजार मा महराजगंज थाना के करीब मा बाय। पुजारी जी मंदिर मा ताला लगायके दुपहरे खाना खाय चला गइन। मौका पाइके चोर ताला तूरिके मूर्ति उठाय लै गइन। जब पुजारी जी आइन तौ ताला तूट देखके सन्न रहि गइन। महराजगंज थाना मा केस दर्ज कराइन। अबहीं तक पुलिस अज्ञात चोर कै पता नाय लगाय पाइस।
महराजगंज थाना कै दीवान जलपान सिंह बताइन कि पुजारी बजरंगदास के तहरीर पै अज्ञात चोर के खिलाफ केस दर्ज भै बाय। मुकदमा अपराध संख्या 147/15 धारा 454, 380 लाग बाय। चोरी करै वाले कै तलास कै जात बाय।