भेलई आम सभा के बैठक

DSC05183
बैठक में बईठल लोग

जिला शिवहर, प्रखण्ड तरियानी, राजकीय उत्क्रमित मध्य विद्यालय विश्वम्भरपुर। उहां 27 जनवरी 2014 के आम सभा के बैठक भेलई। जेईमें लगभग पचास लोग भाग लेले रहथिन। ऐई में कमिटि के गठन कयल गेलई अउर सचीव के चयन कयल गेलई।
ऐई विद्यालय के रसोईया शांति देवी कहलथिन कि पहिलका सचीव मीना देवी रहथिन, अब ललिता देवी सचीव बनलथिन। ऐई आम सभा के बैठक में विद्यालय से संबंधी बहुत बात पर चर्चा कयल गेलई। ऐई विद्यालय के प्रधानाध्यापक अच्छेलाल राम कहलथिन कि सरकार के नियम अनुसार सतरह सदस्य के गठन कयल गेलई। जेईमें नौ महिला के चयन भेलई। ओही में से एगो ललिता देवी के सचीव के लेल ग्रामीण लोग चयन कलथिन।
प्रखण्ड शिक्षा पदाधिकारी कुमारी कुसुम कहलथिन कि एकर रिर्पोट अभी हमरा पास न आयल हई। ओई विद्यालय के प्रधानाध्यापक रिर्पोट जमा करथिन तब बुझतई कि कहां पर कोन लोग कथी के लेल चयन कयल गेलई।