भूख हड़ताल पर छथिन होमगार्ड

kl
एक दिवसीय भूख हड़ताल पर बैठल होम गार्ड

जिला सीतामढ़ी, प्रखण्ड डुमरा, अम्बेदकर स्थल पर 2 दिसम्बर 2013 के बिहार रक्षा वाहिणी स्वयं सेवक संघ एक दिवसीय भूख हड़ताल धरना देले रहलथिन। इ धरना सचिव ष्याम सिंह के अध्यक्षता में भेलई। जेई में पूरे जिला के होमगार्ड के जवान उपस्थित रहथिन।
उदयनारायण झा, देवेन्द्र राय,सलीम बैठा, रामाकांत सिह कहलथिन कि सरकार पहिले ही सात सुत्री मांग  के लेके जे समझौता कयले रहथिन लेकिन उ अभी तक लागू न कलथिन। जब तक मांग पूरा न करथिन त फेर सब लोग भूख हड़ताल पर रहबई। बिहार सरकार धरणा कार्यक्रम अध्यक्ष युगल किषोर राय कहलथिन कि सरकार बार-बार समझौता करई छथिन। लेकिन हमरा सब के मांग पुरा न करई छथिन। एई महंगाई में नौ हजार रूपईया पर कइसे पेट भरतई अउर बच्चा के पढ़ाई कइसे होतई?
मनोहर पाण्डे, सतेन्द्र झा कहलथिन कि 4 दिसम्बर 2013 से 8 दिसम्बर 2013 तक काला बिल्ला लगा के रहब अउर 9 दिसम्बर 2013 के पटना में विषाल रैली अउर भूख हड़ताल होतई।