भई ई.वी.एम मषीन खे ट्रेनिंग

जानकारी देत योगेन्द्र शर्मा

लोकसभा चुनाव खे तैयारी जोर-शोर पर हे। जीमे हर जगह लेखपाल, अध्यापक ओर स्वास्थ्य विभाग से जुडे़ सरकारी कर्मचारियन खा मतदान खे लानेे ई.वी.एम (इलेक्ट्रानिक वोटिंग मशीन) खे ट्रेनिंग दई जात हे। जीसे आसानी से मतदान हो सके।
महोबा शहर के वीरभूमि राजकीय इण्टर कालेज में 15 अप्रैल 2014 खा दो पालियन में ट्रेनिंग दई गई। जीमें पेहली पाली में ट्रेनिंग लेय खे लाने आये वाले सरकारी कर्मचारियन खा प्रथम मतदान अधिकारी कहो गओ हे। ट्रेनिंग देय खा आयोजन करें वाले योगेन्द्र शर्मा ओर आर.पी. चैधरी प्रशिक्षक प्रभारी हते। ट्रेनिंग में मशीन खा खोले ओर बन्द करें खे नियम बताये गये। प्रथम पाली में ट्रेनिंग लेय आये वाले अरविन्द सिंह स्वास्थ्य विभाग के सुपरवाइजर (हमीरपुर) रामप्रकाश चतुर्वेदी नलकूप मैकेनिक (राठ, हमीरपुर) ओर प्रदीप राजपूत फार्मासिस्ट (पनवाडी, महोबा ) ने बतओ कि हमने पेहली दइयां ई मशीन खे बारे में ट्रेनिंग लई हे। ई ट्रेनिंग खे बाद हम आसानी से मतदान करा पेबी। ई ट्रेनिंग में 1028 आदमियन खा ट्रेनिंग दई गई हे। जीमें पेहली पारी में सात जनेन खे अनुपस्थित होय खे कारन डी.एम. अनुज कुमार झा ने एफ.आई.आर. दर्ज करें खे आदेश भी दये हें।