ब्लाक मुख्यालय पै बिगड़ा नल

kasba fainal 1जिला फैजाबाद, ब्लाक तारुन। हिंआ इण्डिया मार्का टू हैण्डपम्प कइयौ साल से बिगड़ा परा बाय। जेसे मनइन का काफी दिक्कत पानी के ताई हुवाथै।
आवै जाए वाले मनई रामकुमार, झिगुरी अनारकली बताइन कि यहि दिन मा पानी ही सब कुछ आय। जगह जगह नल बिगड़ै से मनई जानवर सबका परेशानी उठावै का परत बाय। सामुदायिक स्वास्थ्य केन्द्र के पास लाग नल काफी दिन से बन्द परा बाय। जेसे वकरे चारौ तरफ झाल झंखाड़ जामिगै बाय। न तौ साफ सफाई हुवय न ही नल चलै। राधिका कै कहब बाय कि यहि गर्मी मा बिना पानी सब सून भै बाय। यहि दिन मा चाहे खाना कम मिलै लकिन पानी बराबर मिलै। अगर यहि तरह सूखा परे तौ काव होये। वइसे अगर तालाबन मा पानी भराय जात तौ मनइन के घर कै निजी नल न सूखत। लकिन मनइन के घर कै निजी नल सूख जाए से काफी समस्या बढि़गै बाय।
एडीओ पंचायत शेषदेव पाण्डेय बताइन कि जब ब्लाक पै सामुदायिक स्वास्थ्य केन्द्र रहा तौ नल लाग रहा। अब स्वास्थ्य केन्द यहिंसे हटिगा तौ बन्द परा बाय। ब्लाक से वकै कउनौ जिम्मेदारी नाय बाय।