ब्यूटी पार्लर का चलै प्रशिक्षण

068बांदा जिला के पंडित जवाहर लाल डिग्री कालेज। हेंया के मैदान मा इलाहाबाद बैंक ग्रामीण स्वरोजगार प्रशिक्षण संस्थान (आर सेठी) कइत से ब्यूटी पार्लर का प्रशिक्षण चलत है। या प्रशिक्षण 26 अगस्त से 9 सितम्बर 2013 तक चला रहै। गरीब अउर दलित कम पढ़ी लिखी मेहरिया अउर बिटिया बीस जने शामिल रहैं।
चिल्ला गांव से आई चन्दा कहिस-“या प्रशिक्षण बिना रूपिया का सिखावा जात है। अगर मैं कतौ बाजार मा या प्रशिक्षण सीखैं जातिंव तौ रूपिया भी लागत अउर यतना नींक सिखावा भी नहीं जात। मोहिका ब्यूटी पार्लर सीखैं का बहुतै सउख रहै। प्रशिक्षण के बारे लिखावा भी जात है अउर देखा के सिखावा जात है। खाना अउर रहैं के व्यवस्था है।” यहिनतान बांदा शहर के मोहल्ला इन्दिरा नगर के प्रतिभा कहिस कि मैं भी ब्यूटी पार्लर सीखे आई हौं। ब्यूटी पार्लर का प्रशिक्षण कृष्णा देत है।
आर सेठी के निदेशक के.पी. दिनकर का कहब है कि हमार हेंया ग्रामीण क्षेत्र के दलित मेहरिया अउर मनसवा सबै का प्रशिक्षण सिखाया जात है। ज्यादातर बेरोजगारन खातिर या संस्था प्रशिक्षण करत है।