बैठक करे में होई छई परेशानी

gav1
जर-जर परल हरिजन बैठका

जिला शिवहर, प्रखण्ड तरियानी, गांव कोलसो। इहां के हरिजन बैठका एक दम जर-जर हो गेल हई। लेकिन कोई अधिकारी एई पर ध्यान न देई छथिन।
इहां के मिन्टू देवी, षोभा देवी, कहलथिन कि पहिले कोई बैठक होइत रहलईह त इहे हरिजन बैठका में होइत रहलई ह। अब त इ बैठक बथान हो गेल हई। संजू देवी कहलथिन कि जहिया रोड भरलई त लोग जाईत रहलईह। सब के हाथ से उपछईत रहलीह। ओही से मनरेगा वाला माटी ओहू में भरवा देली। पंचायत समिति त लिख के ले गेल छथिन कि एई पर दुबारा उपर में भवन बनतई।
पंचायत समिति जयनव खातून के पति मोहम्मद अमसूल कहलथिन कि पंचायत के फंड में रूपईया न हई। चतुर्थ वित्त आयोग से खाली आंगनवाड़ी के भवन बनावे के हई। अभी हम आंगनवाड़ी केन्द्र संख्या बतीस के भवन बनावे के लेल आवेदन देले छी।
प्रखण्ड विकास पदाधिकारी विनय कुमार सरस कहलथिन कि हरिजन बैठका पंचायत से ही चतुर्थ वित्त आयोग से बनायल जाई छई। तेरहवीं वित्त अयोग से आंगनवाड़ी के भवन बनई छई।