बी.पी.एल. सुचि के पन्ने हेरा गेल

voterlistजिला सीतामढ़ी, प्रखण्ड रीगा, पंचायत चंडिया, वार्ड नम्बर आठ। उहां बीस लोग के नाम पहिले से बी.पी.एल. में रहई सरकारी सुविधा मिलइत रहलई। लेकिन अब लगभग दु साल से बी.पी.एल. सुचि से उनकर सब के नाम छट गेलई। जेई कारण से उनका कोनो सरकारी सुविधा न मिलई छई।
उहां के लोग मोहम्मद रउफ, उल्ली महम्मद, मोहम्मद बसीर अंसारी, जागीर शेख नुरूल, होदा कहलथिन कि पहिले हमरा सब के नाम से सरकारी सुविधा मिलइत रहलक। अब दू साल से नाम छट गेल। मजदूर आदमी मजदूरी करके गुजर बसर करइले। वार्ड सदस्य काशमीरी खातून के पति आलाम कहलथिन कि नाम जोरावे के लेल प्रखण्ड से लेके जिला में जनता दरवार तक आवेदन देल गेलई। मगर अभि तक कोई सुनवाई न होलई। हमरा सब के पता चलल कि बी.पी.एल. सुचि से पन्ने हेरा गेल हई।
मुखिया अनिता देवी पति शिवजी भण्डारी कहलथिन कि एई पंचायत में लगभग पांच सौ लोग के बी. पी. एल. में नाम न हई। जे गरीबी रेखा से नीचे के छथिन। उनका सब के विडीयों गांव में आके देखथिन। प्रखण्ड विकास पदाधिकरी प्रभात कुमार बरूआ कहलथिन कि आर्थिक जनगणना के जांच होरहल हई। अभी लम्बा समय लगतई तब उनका सब के बी.पी.एल. अंक देल जतई।