बिना सफाई कर्मी, बस स्टैण्ड

बस स्टैण्ड मे फेली गन्दगी
बस स्टैण्ड मे फेली गन्दगी

जिला महोबा, ब्लाक जैतपुर, कस्बा कुलपहाड़। एते के बस स्टैण्ड में कभऊं सफाई नई होत आय। जीसे आये-जाये वाले हजारन आदमियन खा अच्छी खासी गन्दगी से जूझे खा परत हे, पे परिवहन विभाग के करमचारी सफाई करायें खे कोनऊ ध्यान नई देत आय।
अशोक द्विवेदी के साथे पांच आदमियन ने बताओ कि जा बस स्टैण्ड में सफाई कर्मी की नियुक्ति नइयां। जीसे पूरे बस स्टैण्ड में गन्दगी फेली रहत हे। जोन एते आदमियन के बेठे का प्रतिक्षालय बनो हे। ऊमें भी कभऊं झाडू नई लागत आय। एते से महोबा राठ ओर पनवाड़ी जाय खे लाने बसें मिलत हें। जीखे इन्तजार करे खे लाने आदमियन खा बेठे खा परत हे, पे मारे बदबू के बेठे नई रह जात हे।
बस स्टैण्ड संचालक गोपाल कृष्ण ने बताओ कि एते सफाई कर्मी नइयां। जभे में सुबेरे आउत हों तो पेहले एते सफाई करत हों एक दइयां सफाई कर्मी खें लाने प्रस्ताव बनाखे दओ हतो, पे अभे तक कछू सुनवाई नई भई आय।