बिना बिजली के बिल आवत

takhtopur taza1जिला चित्रकूट, ब्लाक मानिकपुर,गांव तख्तूपूर। हिंया के मड़इन का आरोप हवै कि बिजली नहीं लाग पै अगस्त 2011 से बिजली का बिल बराबर आवत हवै। यहिके खातिर 1 जुलाई का कर्वी एस. डी. एम. का लिखित दरखास दीन गे। यहिसे पहिले मानिकपुर एस. डी. एम. चन्द्र प्रकाश उपाध्याय का फरवरी के महीना मा लिखित दरखास दीन गे, पै कउनौ सुनवाई नहीं भे आय।

गांव के चुनकू, मुन्नीलाल अउर दशरथ का कहब हवै कि हमरे गांव मा बिजली नहीं लाग आय अउर न हम लोग कउनौ बिजली का कनेक्शन नहीं लीने हन। बिना बिजली के बिजली विभाग वाले 2011 से जुलाई तक मा कुल अट्ठारह हजार रूपिया बिल भेज चुके हवंै। यहिसे अधिकारिन का लिखित दरखास देत हिंया हुंवा फिरत हन।

कर्वी एस. डी. एम. रजनीश कुमार मिश्र कहिन कि मामला बहुतै पुरान हवै। यहिके जांच करवाई जई। जांच मा सही पावा गा तौ बिजली विभाग वालेन के ऊ कारवाही की जई। बिजली विभाग मा बात करै के कोशिश कीन गे पै बात नहीं भे।