बिना आनलाइन के न मिलहे बीज

134. Taza - Jaitpur Beej webजिला महोबा, ब्लाक जैतपुर, तहसील कुलपहाड़ क्षेत्र के आदमियन को आरोप हे कि कृषि बीज भण्डार में अच्छो बीज नई मिलत हे। जीसे खेती में अच्छी पैदारीवारी नई होत हे। एई से आदमी ई साल की पैदावारी खा लेके बोहतई परेशान हे।

बुड़ी गांव के रघुवेन्द्र सिंह कहत हे हम हर साल कृषि बीज भण्डार से बीज ले जात हे। हर साल ऊसई पैदावारी हो तहे। जोन भाव बाजार मे मिलत हे ओई भाव बीज भण्डार में मिलत हें। कुलपहाड़ कस्बा को गोविन्द ओर भटेवर कलां की रानी कहत हे की हर साल खतौनी से बीज मिल जात हतो। ई साल कर्मचारी कहत हे कि आनलाइन ओर रजिस्टेशन कराये बिना बीज न मिलहे। जभे तक जा सब कराहें तो बोये को समय निकर जेहे। पेहले से जानकारी नई दई हे। एक तो भगवान नई साथ देत हे दूसर सरकारी नियम ओर परेशान करत हे। एई से लगत हे की खेती को काम छोड़ दे।

कुलपहाड़ कृषि बीज भण्डार को सहायक निरिक्षक जग प्रसाद लोधी कहत हे कि जोन ऊपर से बीज दओ जात हे। ओई किसानन खा बांटो जात हे। किसान पहचान पत्र की फोटो कापी, खतौनी की नकल ओर बैंक की पास बुक फोटो कापी जमा कर देय तो बीज मिल जेहे।