बिजली के राह में

images (5)
लालटेन के ही सहारा

जिला शिवहर , प्रखण्ड शिवहर, गांव कुशहर, कस्वा टोला वार्ड नम्बर दस। इहां बिजली के लेल बी. पी. एल. वाला लोग सब के तार बल्ब बोर्ड तीन साल पहिले मिल गेल हई। लेकिन अभी तक कनेकशन न मिल रहल हई।
इहां के लालबाबू महतो, भूइल महतो ,रंजू देवी, कहलथिन कि तीन साल पहिले सरकारी वोर्ड मीटर वइठ गेल। लेकिन अभी  तक लाईन के पता न हई। ऐही जगह अधा किलो मीटर दूर लाईन हई। लेकिन ऐतने  दूरी पर हमरा सबके लाईन के कनेक्शन न मिल रहल हय। लाईन रहतिअई त मोबाल चार्ज होतई। मटिया तेल के बचत हो तिअई। ब्लेक न खरीदतिअई ।
मुखिया ललीता देवी के पति प्रमोद सहनी कहलथिन कि लाईन के लेल ओई लोग के जिला में बिजली विभाग में आवेदन देवे के चाही। बिजली विभाग के कार्यपालक अभियता कहलथिन कि राजीव गाॅधी विधुत योजना बन्द भेगेलई। अब सरकारी योजना से तीन महिना के अनदर में जहां -जहां तार जरजर हई ओकरा बदलायव जतई। अउर बोड घर घर मे मिटर लगायल जतई। टांसर्फमर लगायल जतई त सब लोग के बिजली के कनकक्शन मिल जतई। इन्जिनियर सुरेश प्रसाद कहलथिन कि जेई कम्पनी से मिलल रहई उ कम्पनी बंद हो गेल हई।