बिजली कटौती से परेषान उपभोक्ता

फैजाबाद अउर अम्बेडकरनगर मा के कहै पूरे उत्तर-प्रदेष मा बिजली कै यतनी दिक्कत बाय कि आये दिन बिजली के ताई जगह-जगह धरना प्रदर्षन हुआ कराथै। अउर हुवय भी काहे न बिजली बिना तौ पूरा काम अधूरा रहि जाथै। अउर अब तौ बोर्ड परीक्षा नजदीक आयगै बाय। पढ़ाई के ताई बिजली सबसे ज्यादा जरूरी बाय।
बिजली कै सही आपूर्ति न हुवय से मनई का काफी दिक्कत कै सामना करै का परत बाय। एक तरफ बोर्ड परीक्षा 19 फरवरी से आय गै। अभिभावक अउर छात्र-छात्रा कै कहब बाय कि षाम 9 बजे से रात दुई बजे तक अउर सुबह सात बजे से ग्यारह बजे तक बिजली आपूर्ति करे कउनौ फायदा नाय बाय। वहीं दुसरी तरफ यतनी टाइम बिजली देहे से खेती बारी कै काम नाय होय पावत। जेसे खेती किसानी पै काफी असर पड़त बाय। यतना टाइम बिजली तौ दियाथिन लकिन बीच-बीच मा काटा कराथिन। यस बिजली देहे कवन फायदा जब कउनौ कामे न आवै।
अगर बिजली कै टाइम न बदला जाये तौ गेदहरन कै भविष्य अन्धकारमय होय जाये। अगर वही मा कउनौ अउर समस्या आइगै या टंासफार्मर जलिगै  अउर कउनौ मषीन जरिगै तौ हफ्ता दुई हफ्ता बनै नाय आवत। केतला अप्लीकेषन दियै के बावजूद बनावै वाले नाय अउतिन। यहपै षासन प्रषासन काहे नाय ध्यान दियत?कभौं कभौं तौ ट्रांसफार्मर जर्जर होय जाथै जउने के ताई ग्रामीण अधिकारिन का सूचित करै के बावजूद ध्यान नाय देते।