बिजली कटौती परीक्षन के तैयारी मा डालिस खलल

bijali vibhag banda pez copyजिला बांदा। बिजली कटौती से लोगन के रोजगार, रात के नींद हराम करैं के साथ-साथ बोर्ड परीक्षा के तौयारी करैं वाले छात्रन का भी जीना दुश्वार कइ दिहिस है। जेहिसे माध्यमिक शिक्षा परिषद के चलै वाली हाई स्कूल इण्टर के परीक्षा अउर बुन्देलखण्ड विश्वविद्यालय परीक्षा के तैयारी मा जुटे स्नातक अउर परास्नातक के छात्रन खातिर बिजली कटौती परेशान करे है। यहिसे उंई बिजली विभाग के अधिशाषी अभियन्ता का जम के कोशत हैं।
नरैनी ब्लाक कस्बा अतर्रा के मोहल्ला भवानी गंज के स्नातक मा पढ़ैं वाली किरन अउर जानकी का कहब है कि रात के 8 से 10 के बीच अउर सुबेरे 4 से 6 के बीच के बिजली कटौती से हम लोग एकौ पढ़ाई नहीं कइ पावत आहिन। अगर बिजली का यहै हाल रही तौ हम लोग परीक्ष के समय का लिख पइबे।

तिंदवारीब्लाक गांव पपरेंदा हिया के शंकर अउर इंदल कहत हैं कि हमरे गांव मा बिजली दुपहरी के तीन बजे के गे रात के बारह बजे आवत है। या मारे हम लोग पढ़ाई नहीं कइ पावत आहिन। जबैकि हमार इण्टर अउर स्नातक के पेपर शुरू होई गे हैं। हर विषय के तैयारी करब बहुतै जरूरी है। दूसर बात समय रहत नीद भी नहीं पूर होई पावत। काहे से गर्मी के कारन मच्छर भी बहुतै बढ़ गा है। जेहिसे बीमारी फइलैं का भी डेर है।
बांदा बिजली विभाग के जेई राजेन्द्र कुमार का कहब है कि ज्यादा देर बिजली रहैं से तार फल्ट होय अउर ट्रांस्फारमर फूंकै का डर बना रहत है। या मारे 6 घंटा खातिर बिजली कटौती कीन जात है। बांकी के 18 घंटा बिजली रहत है।