बाप का आरोप – दबाव दइके कराइन लाश का सउदा

13-05-15 Banda Taza - Boy Labourer Dies webजिला बांदा, ब्लाक विसण्डा, ग्राम पंचायत पारा बिहारी, मजरा कोरारी। हेंया के दलित आदमी छेदीलाल का आरोप है कि 10 मई का गांव का बाबू कुरमी वहिके बारह साल के लड़का आकाश अउर तेरह साल के लड़की का बालू भरवावै लेवा लइगा रहै। होंआ खदान धंसे से लड़का के दरे मा मउत होइगे। दबाव दइके लाश का साठ हजार मा समझउता करवाइन है।
बहिनी रोशनी बताइस कि दूनौ भाई-बहिन गड़रा नदी किनारे कगार मा बालू खोदत रहन। ‘मैं टैªक्टर मा बालू डालै आइंव तौ कगार जोर से धंस गा अउर मोर भाई वहिमा दबगा। सबै जन मिल के फरूहा से बालू हटाइन अउर भाई का निकालिन तौ थोई सांस चलत रहै। गांव तक लावै मा वहिके मउत होइगे।’
बाप छेदीलाल कहिस कि विसण्डा थाना के पुलिस तुरतै आ गे। कारवाही के मांग करेंव तौ गांव के बड़ी जाति के लोग कहिन कि थाना अदालत मा कारवाही करिहै तौ गांव से निकाल देबे। गांव के लोग कहिन 60 हजार रूपिया लइलेव अउर कागज मा लिख के देव की हमार कउनौ गलती निहाय। जबै हम समझउता का लेटर लिख के दीन तबै लड़का के लाश हमैं सउपिन हैं।
विसण्डा थाना का कांस्टेबल लाल बहादुर सिंह बताइन कि जब तक हम गांव पहंुचे तब तक दलित परिवार लिखित मा 60 हजार का समझउता कई लिहिन रहै। अगर उंई अबै भी कउनौ कारवाही करै चाहत है तौ कई सकत हैं।

Click here to read story in English