बाउन्ड्री बेगैर घर भाग जात बच्चा

phaphundiजिला बांदा, ब्लाक बिसण्डा, गांव फुफुंदी। हेंया दस साल पहिले बने पूर्व माध्यमिक विद्यालय मा आज तक बाउन्ड्री नहीं बनी आय। 7 मार्च का बबेरू विधायक विशम्भर यादव आ के जल्दी बाउन्ड्री बनैं का भरोसा दई गे हैं।
खाना बनावैं वाली श्यामा, सुमन अउर चम्पा कहिन कि स्कूल के मैदान मा कूड़ा रहत है। काहे से मोहल्ला के मड़ई कूड़ा फेक जात हैं। या मारे रोज खाना बनावैं से पहिले झाडू लगावैं का परत है।
सहायक मास्टर नंदकिशोर कहिन कि बिना बाउन्ड्री मिड्डेमील खाय के बाद बच्चा छुप के घर भाग जात हैं। हेडमास्टर वीरेन्द्र कुमार बताइन कि बाउन्ड्री बनैं खातिर बी.आर.सी. मा कइयौ दरकी शिकाइत कई चुके हन। बच्चन के कुल नामांकन संख्या एक सौ दस है।
बिसण्डा बी.आर.सी. समन्वयक केतपाल कहत हैं कि हमरे पास लिखित आई है तौ प्रस्ताव बना के बी.एस.ए. का भेजा जई। बजट पास होय के बाद कारवाही होई।