बांस कै लाग खम्भा

24-06-15 Faizabad - Bamboo electricity poles webजिला फैजाबाद, ब्लाक पूराबाजार, गंाव भीखापुर। हिंआ पचीस घर के आबादी मा बांस कै खम्भा लाग बाय। जेसे मनई तार खींच के बिजली लेहे अहैं। चार साल से इहै स्थिति बाय। अबहीं तक खम्भा नाय लाग।

सोमनाथ यादव, सावन तिवारी बताइन कि हमरे सब चार साल से यहिं घर बनुवाय के रहीथी। लकिन खम्भा नाय लाग जेसे बांस कै खम्भा गाड़ के तार खीचा गै बाय। सालन से मंाग कीन जात बाय कि खम्भा लगुवाय दिया लकिन कउनौ सुनवाई नाय हुवत बाय।

भोरई यादव बताइन कि जब आंधी आवाथै तौ बांस उखड़के गिर जाथै। डर बना रहाथै कि केहू के ऊपर न गिर जाए। बांस जर्जर हुवय पै चंदा लगायके बांस खरीदके फिर गाड़ा जाथै। खम्भा नाय लाग बिल हर महीना आवाथै। अगर बिल न जमा करै तौ घरे नोटिस भेज दीन जाथै। लकिन हमरे सबके समस्या पै केहू ध्यान नाय दियै वाला बाय।
पावर हाउस के जे.ई. आर.के.यादव बताइन कि योजना जब आये तौ लगुवाय जाये। अबहीे विभाग मा बजट नाय बाय।

Click here to read in English