बलात्कार कै दुई आरोपी गिरफ्तार

जिला फैजाबाद, ब्लाक तारुन। थाना क्षेत्र मा चैदह साल के एक लड़की का दुई सगा भाई के ऊपर डराय धमकाय के बलात्कार करै अउर गर्भवती हुवय पै दवा खिलाय के गर्भपात करावै कै आरोप बाय। शिकायत करै जाए पै लड़की के परिवार वाले से गाली गलौज अउर मारपीट करिन। थाना मा रिपोर्ट दर्ज भै बाय।

परिवार वाले कै आरोप बाय कि रजौरा गंाव कै लालजी व रामभवन उर्फ मुखिया चैदह साल के लड़की से डराय  धमकाय के पांच महीना से बलात्कार करत रहिन। दुई जगह घर हुवय के कारण लड़की  चारा डालै जानवरन का जात रही। यही बीच जब लड़की गर्भवती होइगै तौ दवा खिलायके गर्भपात कराय दिहिन। जब किशोरी कै हालत बिगड़ गै तौ घरवाले का पता चला। घरवाले लालजी अउर रामकरन के घरे शिकायत लइके गइन तौ गाली गलौज अउर जान से मारै कै धमकी दिहिन। लड़की कै भाई थाना मा तहरीर दिहिन।

तारुन थाना कै दीवान इन्द्रजीत उपाध्याय बताइन कि 18 जून 2015 का लड़की के भाई के तहरीर पै लालजी रामकरन अउर रामकुमार के अम्मा के खिलाफ 376(2) ढ़/313 (गर्भवती होने पर गर्भपात कराना), 504 (गाली गलौज), 506 (जान से मारने की धमकी) आई पी सी 3/4 पास्को एक्ट धारा लाग बाय। 20 जून का तारापुर चैराहा से गिरफ्तार कइके रामभवन अउर लालजी कै चालान कै दीन गै। जांच थानाध्यक्ष के.के. गुप्ता करत अहैं।