बरात मा शामिल हुवय जात मनई पै हमला

kasba4 copyजिला अम्बेडकरनगर, ब्लाक टाण्डा, कस्बा छज्जापुर। हिंआ 9 मार्च 2016 कै विवाह समारोह मा दुई पक्ष मा भै मारपीट, पथराव तीन मनई घायल।
हिंआ के मनई कै कहब बाय कि 9 मार्च कै माझी टोला मा गनेश माझी के घरे अयोध्या से बारात आय रही। विवाह समारोह मा शामिल होय आय रहिन दुल्हा के मौसी कै लडि़का जोगेन्द्र, वृजेन्द्र बहिन सरोज मोटर साइकिल से जात रही रास्ता भुलाय के गली मा चला गईन। सड़क के किनारे मुस्लिम बस्ती पीछे माझी टोला बाय। तौ वोहिकै मनई चोर-चोर कहिके तीनौ पै हमला कै दिहिन। इतना मार दिहिन कि पूरी तरह से लहूलुहान होई गईन। वहीं दूसरे दिन 10 मार्च कै माझी टोला से जात रहिन धमेंन्द्र नाम कै मनई पै महबूबअली चाकू से हमला कै दिहिन। गांव वाले के मदद से धमेन्द्र का अस्पताल पहुचाइन। दुइनौ पक्ष मा माहौल गर्म रहा। पूरा टाण्ड कस्बा दुई दिन तक बन्द रहा। सूचना पै पहुची पुलिस मामला शान्त कराईन। 11 मार्च 2016 कै डी.एम. विवेक एस.पी. अजय सिंह शान्ती व्यवस्था बनाय रखै खातिर पुलिस कै आदेश दिहिन।
छज्जापुर पुलिस चैकी कै दरौगा श्रवन कुमार बताइन कि पांच मनई के खिलाफ मुकदमा दर्ज भै बाय। सुरक्षा व्यवस्था खातिर पी एस सी पुलिस लगाय दिया गै बाय।