बरसात तक अउर करौ इंतजार

ed wwचित्रकूट जिला, ब्लाक मानिकपुर, मुहल्ला इंद्रा नगर वार्ड नंबर चार मा लगभग एक महीना से सड़क खराब पड़ी हवै। यहिसे रोज का लगभग हजारन मड़ई सड़क खराब होय के समस्या से जूझत हवैं।

हिंया के रहैं वाले पप्पू, दयाशंकर बसंत, राजू अउर अंशू का कहब हवै कि सड़क खराब हवै तौ गढ़वा मा घटना होइ सकत हवै। हिंया से निकरैं वाले छोट छोट लड़कन का डेर बना रहत हवै कि कत्तौं गिर न जाये। यहिसे घटना होइ सकत हवै। 10 मई का टाउन एरिया मा सूचना दीन गे रहै, पै अबै तक कउनौ ध्यान नहीं दीन गा हवै। का जबै कउनौ घटना होइ जई तबै सड़क बनी।
मानिकपुर टाउन एरिया के बाबू राधे श्याम का कहब हवै कि जबै बरसात होइ तौ सड़क बनवा दीन जई। काहे से कि अबै पानी के परेशानी हवै।

रिपोर्टर – सुनीता देवी