बड़ा हादसा होय से बचगा

पलटै से बची जीप
पलटै से बची जीप

जिला चित्रकूट, ब्लाक कर्वी, कस्बा रामघाट। हिंया से 24 नवम्बर 2013 का बांदा जिला के अतर्रा कस्बा का जायें वाली डाला यूूू.पी छियान्बे बी. निन्यानबे सौ छियानबे का टायर रमपुरवा गांव के लगे फटगा। पन्द्रह सवारी डाला मा बइठ रहै। उनके जान हथेली मा रहै, पै ड्राइवर जीप का बहुतै नींकतान से रोकिस। या कारन बड़ा हादसा होय से बचगा।
जीप मा बइठ के छोटू अतर्रा जात रहै। अउर अजय तिवारी बांदा जिला के बबेरू कस्बा जात रहै।
खबर लहरिया पत्रकार भी वहै जीप से भरतकूप जात रहै। छोटू अउर अजय तिवारी कहिन कि आज हमार जान बचगे हवै नहीं तौ टायर फंटै से गम्भीर एक्सीडेन्ट होइ जात।
जीप चलावै वाला ड्राइवर आपन नाम बतावैं से मना कइ दिहिस। वा कहिस कि पता नहीं कि अचानक कसत टायर फटगा हवै। वा तुरतै जीप का रोक के दूसर टायर डारिस हवै।